Айдар мен Эльдар мектепте бірге оқыған сыныптастар. Тұрақты табысы жоқ, үш баласын әрең асырап отырған Айдардың бар арманы — армансыз өмір сүру. Ал, зәулім сарайдай үйде тұратын жұмысында табысты, бай Эльдар әйелімен бала сүйсем дейді. Кездейсоқ жолығып, сырын ақтарып, мұңын шаққан сыныптастар бір-бірінің өміріне қатты қызығатынын айтады. Айтылған сөз — атылған оқ. Ертесіне екеуінің жаны ауысып, бір-бірінің өмірін сүруге мүмкіндік алады. Сырт көзге әдемі көрінген өмірі шын мәнінде армандауға тұрарлық па?